kuwentong wala lang....

wala lang
yan ang sinasabi ko kapag tinatanong ako ng "Bakit?"
at tinatamad akong magbigay ng paliwanag
o kaya naman ay ayaw kong iparating ang tunay kong saloobin
ito ang sagot ko sa mga mahahalagang pangyayaring tumatalab sa akin
kahit hindi halata...

matagal ko nang nais i-post ito
pero wala akong mahanap na oras para isulat ito
ngayon, susubukan kong balikan ang nakaraan
upang ilahad ang ilang mga karanasang nagpamulat sa akin
at nagpaunawa sa aking biyaya talaga ang buhay
at hindi narin tiyak kung kailan ito makukuha sa atin
ipinaaalaala nito sa aking mag-ingat sa lahat ng oras
natutunan kong maging mapagmasid sa aking paligid
dahil hindi natin alam kung kailan sasalubong ang panganib

nasa unang taon pa lamang ako sa mataas na paaralan
sanay na ako sa maynila dahil dito ako lumaki
kahit na sa quezonn city ako nakatira, mas maraming oras ang ginugugol ko sa maynila
dito kasi ako nag-aral mula kinder
wala akong pasok noon, kasama ko ang aking ina
ihahatid niya ako sa paaralan, may panonoorin kasi kaming pagtatanghal
nakasakay kami sa jeep
tahimik lang ako.. pinanonood ang mga dinaraanan namin
minsan kinakausap ko ang aking ina
sa isang istasyon, may sumakay na tatlong lalaki
sa iba't ibang lugar sila naupo
di ko sila pinansin
nang malapit na kami sa C.M. Recto Ave, pumara ang dalawa sa kanila
mabilis ang mga sumunod na pangyayari....
hinablot ng isa sa mga kalalakihan ang hikaw ng dalagang nasa harap ko
ang ikalawang lalaki, walang ginawa pero parang may sinabi siya
parang nagproprotesta sa ginawa ng kasama
gulat ang lahat ng mga tao sa loob ng jeep
ilang segundo lang ang nakalipas, nag-uusap na ang lahat
inilahad ng dalaga ang mga pangyayari, detalyado
mabuti kasama niya ang kanyang ina, hindi siya naluha o nag-hysteria
sabi niya, mabuti na lamang at hikaw ang nakuha sa kanya, peke daw kasi yun
pero yung kwintas niya tunay
bahagya nang napanatag ang loob ng mga tao
biglang may pumarang lalaki
pagdaan niya sa harap ko...
hinablot niya bigla ang kuwintas nang dalaga
natulala na lamang ang dalaga
yung lalaking bumaba, kasama pala siya nung naunang dalawa
hindi ko na alam kung ano ang nangyari pagkatapos nun
bumaba na rin kasi kami ng mama ko

ito ang unang pagkakataong nakasaksi ako ng ganoon
kakaiba sa pakiramdam
ilang oras rin akong ginulo ng tanong na ito:
"Bakit kaya nila ginawa iyon?"

itutuloy....