nagpapaalaala...

Pagdating ko sa bahay kanina, nanonood si Mama ng TV. Konting ingay lang ng gate pagbukas ko, tayo siya agad para papasukin ako. Tinanong ako kung kumain na ako. Kahit anong oras ako dumating, yun lagi ang bati sa akin. Kumain na ba ako? Tapos bumaba din si Papa, makikipagkuwentuhan sandali. Bago ako umakyat, tatanungin ako kung may damit pa ako para bukas.

Hindi talaga nila ako titigilan, no? Kahit tumanda na sila, ako pa rin ang iisipin nila. Minsan nag-iisip ako ng paraan kung paano magpasalamat. Wala akong maisip. Nagpiprisinta na lang tuloy akong maghugas ng pinggan.

nagpapasalamat ako sa mga ganito.
isa sa mga nagpapaalaala sa akin ng mga bagay na naisasantabi ko minsan